Murder Case: मोबाईल घेतल्याच्या रागातून मित्रांनीच केला मित्राचा खून; नांदेड सिटी पोलीस स्टेशनचे पोलीस अंमलदार शिवाजी क्षिरसागर यांनी तत्परतेने तपास करुन अवघ्या दोन तासांत गुन्हा केला उघड
Murder Case: मोबाईल घेतल्याच्या रागातून मित्रांनीच केला मित्राचा खून; नांदेड सिटी पोलीस स्टेशनचे पोलीस अंमलदार शिवाजी क्षिरसागर यांनी तत्परतेने तपास करुन अवघ्या दोन तासांत गुन्हा केला उघड
पुणे: हद्दीत गस्त घालत असताना पोलीस अंमलदार शिवाजी क्षिरसागर यांना गोपनीय माहिती मिळाली की सर्वे नं. 30/13, साई धाम, त्रिनेश इंजिनिअरिंग कंपनीच्या वर पहिला मजला, धायरी येथे देवा उर्फ देवीदास पालते हा व्यक्ती गंभीर जखमी अवस्थेत पडलेला आहे. शिवाजी क्षिरसागर यांनी तातडीने घटनास्थळी जाऊन पाहणी केली व घटनेबाबत अधिक माहिती घेऊन वरिष्ठ पोलीस निरीक्षक अतुल भोस यांना याबाबत कळविले. क्षिरसागर यांनी शिताफीने आरोपींची माहिती काढून घेतली.
घटनेबाबत माहिती मिळताच वरिष्ठ पोलीस निरीक्षक अतुल भोस, तपास पथकाचे प्रभारी अधिकारी राहुल यादव व इतर कर्मचारी घटनास्थळी दाखल झाले. जखमी अवस्थेत असलेल्या देविदास पालते यास ससून रुग्णालयात नेण्यात आले परंतु उपचारापूर्वीच त्याचा मृत्यू झालेला असल्याचे संबंधित डॉक्टरांनी सांगितले. अंमलदार शिवाजी क्षिरसागर यांनी संशयित आरोपी गजानन राठोड, दिनेश राठोड व महारुद्र गवते यांची माहिती काढलेली होती त्यानुसार त्यांना ताब्यात घेतले असता त्यांनी देविदास पालते यास लाथा-बुक्क्यांनी मारहाण करुन त्याचे डोके भिंतीवर आपटून जखमी केल्याचे कबूल केले. खुनाच्या आरोपाखाली तिघांनाही अटक करण्यात आली आहे.
सदरची कारवाई पोलीस आयुक्त,अमितेशकुमार, सहपोलीस आयुक्त, रंजनकुमार शर्मा, अपर पोलीस आयुक्त, पश्चिम प्रादेशिक विभाग राजेश बनसोडे पोलीस उप आयुक्त परिमंडळ- 3 संभाजी कदम, सहाय्यक पोलीस आयुक्त, सिंहगड रोड विभाग अजय परमार यांच्या मार्गदर्शनाखाली नांदेडसिटी पोलीस स्टेशनचे वरिष्ठ पोलीस निरीक्षक अतुल भोस, पोलीस निरीक्षक गुन्हे गुरुदत्त मोरे, सहा.पोलीस निरीक्षक राहुल यादव,प्रविण जाधव, पोलीस अंमलदार संग्राम शिनगारे, राजु वेगरे, प्रतिक मोरे, स्वप्नील मगर, मोहन मिसाळ, शिवा क्षीससागर, भिमराज गागुर्डे, उत्तम शिंदे, निलेश कुलथे , निलेश खांबे, अक्षय जाधव, सतिश खोत यांच्या पथकाने केली आहे.
व्हाट्सप्प आइकान को दबा कर इस खबर को शेयर जरूर करें
