खडकवासला-किरकटवाडी शिव रस्त्यावर पुन्हा खोदकाम सुरू; करोडोंचा निधी खर्च होऊनही काम राहतेय अर्धवट;भावी नगरसेवकांची श्रेयवादासाठी चढाओढ, सर्वसामान्य नागरिक कर भरुन बेजार
खडकवासला-किरकटवाडी शिव रस्त्यावर पुन्हा खोदकाम सुरू; करोडोंचा निधी खर्च होऊनही काम राहतेय अर्धवट;भावी नगरसेवकांची श्रेयवादासाठी चढाओढ, सर्वसामान्य नागरिक कर भरुन बेजार
पुणे: ‘आतापर्यंत उद्घाटनांसाठी फुटलेल्या नारळांचे जीरलेले गोड पाणी आणि मुरलेला करोडोंचा निधी अशी ओळख असलेल्या खडकवासला व किरकटवाडी या गावांच्या शिव रस्त्यावर पुणे मनपाच्या माध्यमातून पुन्हा एकदा काम सुरू झाले आहे! विशेष म्हणजे पावसाळी वाहिनी टाकण्याचे हेही काम केवळ ग्रासलॅंड सोसायटी ते मधुबन सोसायटी इथपर्यंतच आहे. त्यामुळे पालिकेच्या हेतुबाबत पुन्हा शंका उपस्थित केली जात आहे.
सुमारे दहा ते पंधरा हजार लोकसंख्या असलेल्या खडकवासला व किरकटवाडी या दोन गावांच्या कोल्हेवाडी व शिवनगर या भागांसाठी एकमेव पर्याय असलेल्या शिव रस्त्याचे काम मागील अनेक वर्षांपासून प्रलंबित आहे. अनेक वेळा या रस्त्यासाठी निधी मंजूर झाल्याचे सांगण्यात आले, एवढेच नाही तर अनेक वेळा कामही सुरू झाले मात्र काम कधीच पूर्ण झाले नाही. जागा मालकांचा विरोध असल्याचे सांगून ठेकेदार पळून जातात आणि पालिकेचे अधिकारी जबाबदारी झटकून मोकळे होतात. परिणामी रहिवाशांना हाल सोसावे लागत आहेत.
आता पुन्हा एकदा पालिका निवडणुकीच्या तोंडावर पावसाळी वाहिनी टाकण्यासाठी खोदकाम सुरू करण्यात आले आहे मात्र तेही थोडेच असल्याने नेमका हेतू काय असा प्रश्न उपस्थित होत आहे. केवळ खोदने आणि बुजवणे हाच धंदा सुरू असल्याने नागरिकांना मनःस्ताप सहन करावा लागत आहे. पालिकेच्या अधिकाऱ्यांनी गांभीर्याने लक्ष देऊन या रस्त्याचे काम पूर्ण करुन घेण्याची आवश्यकता आहे.
व्हाट्सप्प आइकान को दबा कर इस खबर को शेयर जरूर करें
