Dashing PSI video : वेल्हे पोलीस ठाण्यातील पोलीस उपनिरीक्षकांचे डेअरिंग; गावठी दारू विक्रेत्याच्या पोहून आवळल्या मुसक्या; पोलीस उपनिरीक्षक आप्पासाहेब पडळकर यांचे होतेय कौतुक
पुणे: पोलीस आल्याची माहिती मिळाल्यानंतर खडकवासला धरणाच्या बॅकऑटरमध्ये उडी घेऊन पळून जाण्याचा प्रयत्न करणाऱ्या आरोपीस पुणे ग्रामीण पोलीस दलातील वेल्हे पोलीस ठाण्यांतर्गत असलेल्या पानशेत चौकीच्या पोलीस उपनिरीक्षक आप्पासाहेब पडळकर यांनी पोहून पाठलाग करुन ताब्यात घेतल्याने त्यांच्या दाडसाचै कौतुक होत आहे. अभिमन्यू ईश्वर नानावत(रा. ओसाडे ता. वेल्हे) असे अटक करण्यात आलेल्या आरोपीचे नाव असून पानशेत गावच्या हद्दीत पूर्वेकडील बाजूस असलेल्या नदीपात्रात सायंकाळच्या सुमारास हा थरार घडला आहे.
पानशेत गावच्या हद्दीत नदी पात्राच्या कडेला बसून एक आरोपी गावठी दारू विक्री करत असल्याची माहिती वेल्हे पोलीसांना मिळाली होती. त्यानुसार वेल्हे पोलीस ठाण्याचे प्रभारी अधिकारी नितीन खामगळ यांच्या मार्गदर्शनाखाली पानशेत येथे नव्याने नियुक्त झालेले पोलीस उपनिरीक्षक आप्पासाहेब पडळकर, सहाय्यक फौजदार राजाराम होले, पोलीस हवालदार पंकज मोघे तातडीने कारवाईसाठी गेले. आरोपीला सुगावा लागू नये म्हणून पोलीस उपनिरीक्षक आप्पासाहेब पडवळ हे सिव्हिल ड्रेसमध्ये गेले तर पोलीस गणवेशात असलेले होले व मोघे हे दूर अंतरावर थांबले होते.
पोलीसांनी खबरदारी घेतली तरी आरोपीला पोलीस आल्याची चाहूल लागली. आरोपीने नदीपात्रात उडी घेतली व पोहून दुसऱ्या बाजूला जाण्यास सुरुवात केली. आरोपी पळून जात आहे हे पाहून पोलीस उपनिरीक्षक आप्पासाहेब पडळकर यांनी आहे त्या स्थितीत पाण्यात उडी घेतली व आरोपीचा पाठलाग सुरू केला. दूर अंतरापर्यंत पोहत गेलेल्या आरोपीला पोलीस उपनिरीक्षक पडळकर यांनी पकडून परत आणले. धरणाची खोली व भौगोलिक परिस्थितीची माहिती नसताना पोलीस उपनिरीक्षक आप्पासाहेब पडळकर यांनी धाडस दाखवून पोहत जाऊन आरोपीला पकडल्याने त्यांचे सर्व स्तरांतून कौतुक होत आहे. याबाबत पुढील तपास वेल्हे पोलीस करत आहेत.
व्हाट्सप्प आइकान को दबा कर इस खबर को शेयर जरूर करें
Loading ...
