खानापूर- कोंढवे धावडे महसुली मंडळात उद्या छत्रपती शिवाजी महाराज महाराजस्व समाधान शिबीर; नागरिकांनी विविध सेवांचा लाभ घेण्याचे हवेली उपविभागीय अधिकारी व तहसीलदारांचे आवाहन
खानापूर- कोंढवे धावडे महसुली मंडळात उद्या छत्रपती शिवाजी महाराज महाराजस्व समाधान शिबीर; नागरिकांनी विविध सेवांचा लाभ घेण्याचे हवेली उपविभागीय अधिकारी व तहसीलदारांचे आवाहन
पुणे: लोकाभिमुख प्रशासकीय कारभार राबविण्यासाठी महाराष्ट्र शासनाच्या निर्देशानुसार खानापूर व कोंढवे धावडे महसुली मंडळात उद्या दि 7 मार्च रोजी छत्रपती शिवाजी महाराज महाराजस्व समाधान शिबीराचे आयोजन करण्यात आले आहे. खानापूर येथील मातोश्री गार्डन मंगल कार्यालय व कोंढवे धावडे येथील जुणे दामिनी मंगल कार्यालय येथे सकाळी 10 वाजल्यापासून सदर शिबीर असणार आहे.
सदर शिबीराच्या माध्यमातून नागरिकांसाठी खालील सेवा उपलब्ध असणार आहेत.
1. प्रलंबित फेरफार
2. 7/12 मधील चुकांची दुरुस्ती
3. डिजिटल 7/12 व 8 अ उत्ताऱ्याचे वाटप करणे
4. तुकडेबंदी नियमितीकरण करणे
5. वर्ग 2 च्या जमीन वर्ग 1 करणे
6. भूसंपादन कमी जास्त पत्रक तयार
7. अकृषिक – कमी जास्त पत्रक तयार
8. अकृषिक तरतुदीची सुधारणानुसार अधिमुल्य आकारणी व वसुली करणे
9. लोकसेवा हक्क कायदा अ) जात प्रमाणपत्र
10. सामाजिक लाभाच्या योजना
अ) संजय गांधी योजना
ब) इंदिरा गांधी योजना
11. एक खिडकी योजना
अ) ई-मोजणी ब) ॲग्रीस्टॅक
क) पी.एम. किसान ड) तक्रार निवारण
परिसरातील सर्व शेतकरी, नागरिक यांनी या सेवांचा लाभ घेण्याचे आवाहन हवेली उपविभागीय अधिकारी डॉ यशवंत माने व हवेली तहसीलदार डॉ अर्चना निकम यांनी केले आहे.
आदिवासी कातकरी नागरिकांची विशेष दखल
हवेली तहसीलदार डॉ अर्चना निकम व उपविभागीय अधिकारी डॉ यशवंत माने यांनी खडकवासला परिसरातील आदिवासी कातकरी नागरिकांना आधार कार्ड व जात प्रमाणपत्र देण्यासाठी विशेष दखल घेतली. आदिवासी कातकरी नागरिकांना त्यांचे हक्क मिळवून देण्यासाठी द इन्व्हेस्टीगेशन एक्स्प्रेस’ने सातत्याने पाठपुरावा केला आहे. त्याची संबंधित अधिकाऱ्यांनी दखल घेऊन तातडीने कार्यवाही केली आहे.
व्हाट्सप्प आइकान को दबा कर इस खबर को शेयर जरूर करें
