उत्तमनगर महसुली मंडळात छत्रपती शिवाजी महाराज महाराजस्व अभियानाचे आयोजन; नागरिकांना विविध कागदपत्रांचे वाटप
उत्तमनगर महसुली मंडळात छत्रपती शिवाजी महाराज महाराजस्व अभियानाचे आयोजन; नागरिकांना विविध कागदपत्रांचे वाटप
शिवणे: महाराष्ट्र शासनाच्या निर्देशानुसार आणि पुणे जिल्हाधिकारी जितेंद्र डुडी, हवेली उपविभागीय अधिकारी यशवंत माने व तहसीलदार किरण सुरवसे यांच्या मार्गदर्शनाखाली उत्तमनगर महसुली मंडळात छत्रपती शिवाजी महाराज महाराजस्व अभियानाचे आयोजन करण्यात आले होते. मंडळाधिकारी वर्षा वाडेकर यांच्या पुढाकाराने शिवणे येथे आयोजित करण्यात आलेल्या या उपक्रमाला नागरिकांनी उत्स्फूर्त प्रतिसाद दिला.
या उपक्रमांतर्गत आणीबाणी सन्मानपत्र वाटप, वारस नोंद,अपाक नोंद कमी करणे, मयताचे नाव कमी करणे, सातबारा, फेरफार वाटप अशी कामे करण्यात आली. तसेच विशेष अर्थसहाय्य योजनांच्या लाभासाठी गरजू व पात्र लाभार्थी शोधून त्यांचे फॉर्म भरून घेण्यात आले.
मंडळाधिकारी वर्षा वाडेकर यांच्यासह शिवणेचे ग्राम महसूल अधिकारी सुधीर निंबाळकर, वारजेच्या ग्राम महसूल अधिकारी सुशिला गायकवाड, बालेवाडीचे ग्राम महसूल अधिकारी सुजित मंडलेचा आदिंनी विशेष प्रयत्न केले. कागदपत्रे,दाखले व विविध शासकीय योजनांचा लाभ मिळालेल्या लाभार्थी नागरिकांनी या उपक्रमाबद्दल समाधान व्यक्त केले.
व्हाट्सप्प आइकान को दबा कर इस खबर को शेयर जरूर करें
