Crime News: किरकटवाडी येथे जामीनावर असलेल्या खुनातील आरोपीवर कोयत्याने वार;पाच ते सहा अज्ञातांनी हल्ला केल्याची माहिती; हल्लेखोर पसार
Crime News: किरकटवाडी येथे जामीनावर असलेल्या खुनातील आरोपीवर कोयत्याने वार;पाच ते सहा अज्ञातांनी हल्ला केल्याची माहिती; हल्लेखोर पसार
किरकटवाडी: जामीनावर असलेल्या खुनातील आरोपीवर पाच ते सहा अज्ञातांनी कोयत्याने हल्ला केल्याची धक्कादायक घटना किरकटवाडी येथील माळवाडी परिसरात घडली आहे. विराज गबदुले (वय 28) असे जखमीचे नाव असून त्याच्या डोक्यावर व खांद्यावर खोल जखमा झाल्या आहेत. त्याच्यावर सध्या खाजगी रुग्णालयात उपचार सुरू असून हल्लेखोर पसार झाले आहेत.
विराज गबदुले याने काही वर्षांपूर्वी किरकटवाडी येथील एकाचा खून केला होता. अकरा महिन्यांपूर्वी त्याला त्या प्रकरणात जामीन मंजूर झालेला आहे. दरम्यान आज सायंकाळी साडेसहा वाजण्याच्या सुमारास किरकटवाडी येथील माळवाडी परिसरात पाठलाग करत आलेल्या अज्ञात पाच ते सहा जणांनी विराज गबदुले याच्यावर हल्ला केला. यात त्याच्या डोक्याला व खांद्यावर खोल जखमा झाल्या आहेत.
जीव वाचविण्यासाठी विराज गबदुले एका घरात शिरल्यानंतर हल्लेखोर पसार झाले. जखमी अवस्थेत विराज गबदुले याला उपचारासाठी खाजगी रुग्णालयात दाखल करण्यात आले आहे. घटनेची माहिती मिळताच नांदेड सिटी पोलीस स्टेशनचे पोलीस कर्मचारी घटनास्थळी दाखल झाले होते. हल्लेखोर फरार असून नांदेड सिटी पोलीस अधिक तपास करत आहेत.
व्हाट्सप्प आइकान को दबा कर इस खबर को शेयर जरूर करें
