बेकायदा उत्खनन करताना आढळून आलेले दोन जेसीबी जप्त; राजगड तहसील पथकाची पानशेत परिसरात धडक कारवाई
बेकायदा उत्खनन करताना आढळून आलेले दोन जेसीबी जप्त; राजगड तहसील पथकाची पानशेत परिसरात धडक कारवाई
(निलेश बोरुडे: संपादक- द इन्व्हेस्टीगेशन एक्स्प्रेस)
पानशेत: बेकायदा उत्खनन करताना आढळून आलेले दोन जेसीबी मशीन जप्त करुन वेल्हे/राजगड पोलीस स्टेशन अंतर्गत असलेल्या पानशेत पोलीस दूर क्षेत्र येथे लावण्यात आले आहेत. राजगड तहसील कार्यालयाच्या पथकाने पानशेत धरण परिसरात दोन वेगवेगळ्या ठिकाणी ही धडक कारवाई केली आहे. तहसील पथकाने अचानक कारवाई केल्याने बेकायदा उत्खनन करणारांचे धाबे दणाणले आहेत.
पावसाळा संपला की धरणांच्या पाणलोट क्षेत्रात, डोंगर भागात बेसुमार उत्खनन सुरू होते. या उत्खननामुळे भुस्खलन होऊन रस्ते बंद होणे व इतर घटना अनेक वेळा घडलेल्या आहेत. फार्महाऊस, हॉटेल किंवा रिसॉर्ट उभारण्यासाठी राजरोसपणे उत्खनन करुन नैसर्गिक समतोल बिघडवला जातो. हे प्रमाण मागील काही वर्षांपासून लक्षणीय वाढले असून त्यामुळे जलस्रोत धोक्यात आले आहेत.
राजगड तहसील पथकाने आता अनधिकृत उत्खनन करणारांच्या विरोधात कारवाईचा बडगा उगारण्यास सुरुवात केली आहे. राजगड तालुक्यातील आंबेगाव खुर्द व घोलपघर या दोन ठिकाणी बेकायदा उत्खनन करताना आढळून आलेले दोन जेसीबी मशीन जप्त करण्यात आले आहेत. महसूल व पोलीस प्रशासनाकडून याबाबत पुढील कायदेशीर कारवाई सुरू आहे.
व्हाट्सप्प आइकान को दबा कर इस खबर को शेयर जरूर करें
