खडकवासला धरण परिसरात मृतदेह आढळण्याचे सत्र थांबेना; 22 वर्षीय तरुणीचा मृतदेह अग्निशमन दलाच्या जवानांनी काढला पाण्याबाहेर
खडकवासला धरण परिसरात मृतदेह आढळण्याचे सत्र थांबेना; 22 वर्षीय तरुणीचा मृतदेह अग्निशमन दलाच्या जवानांनी काढला पाण्याबाहेर
खडकवासला: खडकवासला धरण परिसरात मागील काही दिवसांपासून सातत्याने मृतदेह आढळण्याचे सत्र सुरू असून आज पुन्हा एका तरुणीचा मृतदेह पंप हाऊस जवळ आढळून आला आहे. मुस्कान शेख (वय 22 मूळ रा. किनवट, नांदेड सध्या रा. भिमनगर, पुणे) असे मृत तरुणीचे नाव असून पीएमआरडीए च्या अग्निशमन दलाच्या जवानांनी मृतदेह पाण्याबाहेर काढला.
खडकवासला धरण चौपाटीजवळ मृतदेह तरंगत असल्याची माहिती मिळताच पीएमआरडीएचे मुख्य अग्निशमन अधिकारी देवेंद्र पोटफोडे, विभागीय अग्निशमन अधिकारी सुजित पाटील यांच्या मार्गदर्शनाखाली जवान विष्णू सानप ,शुभम मिरगुंडे ,ज्ञानेश्वर बुधवंत ,भाऊसाहेब आव्हाड व
प्रतीक शिरसाठ हे तातडीने घटनास्थळी पोचले.
जवानांनी पाण्यात उतरुन पोहून तरुणीचा मृतदेह बाहेर काढला. मृत तरुणीचे नाव मुस्कान शेख असल्याची माहिती मिळाली असून हवेली पोलीस पुढील कार्यवाही करत आहेत. दरम्यान मागील काही दिवसांपासून खडकवासला धरण, कालवा व खडकवासला धरणामागील बाजूस मुठा नदीच्या पात्रात सातत्याने मृतदेह आढळून येत आहेत.
व्हाट्सप्प आइकान को दबा कर इस खबर को शेयर जरूर करें
Loading ...
