Traffic updates:सिंहगड रस्त्यावर खडकवासला-किरकटवाडीत तुफान वाहतूक कोंडी; वाहनांच्या रांगा रागल्याने नागरिक संतप्त 

Nilesh Borude

किरकटवाडी: सिंहगड रस्त्यावरील किरकटवाडी फाटा व कोल्हेवाडी फाटा येथे तुफान वाहतूक कोंडी झाली असून वाहनांच्या रांगा लागल्या आहेत. मागील काही वेळापासून नागरिक वाहतूक कोंडीत अडकून पडल्याने संताप व्यक्त करत आहेत.

कोल्हेवाडी येथील अंतर्गत रस्त्याचे काम सुरू असल्याने रस्ता अरुंद झाला आहे. परिणामी आत जाण्यासाठी व येण्यासाठी एकाच बाजूचा रस्ता उपलब्ध असल्याने मुख्य सिंहगड रस्त्यावर त्याचा परिणाम होत आहे. आत जाणारी वाहने मुख्य रस्त्यावर थांबून राहत असल्याने वाहतूक कोंडी होत आहे. त्यामुळे वाहनांच्या रांगा लागत आहेत.

रस्त्याचे काम सुरू असताना वाहतुकीचे नियोजन करण्यात येईल व वाहतूक सुरळीत करण्यासाठी कर्मचारी तैनात करण्यात येतील असे पालिका व संबंधित ठेकेदाराकडून सांगण्यात आले होते परंतु तसे काही झालेले दिसत नाही. स्थानिक रहिवासी, पर्यटक यांना याचा फटका बसत असून नागरिक संताप व्यक्त करत आहेत. वाहतूक सुरळीत करण्यासाठी पोलीस उपलब्ध नसल्याने नागरिक विठ्ठल नानगुडे यांनी नाराजी व्यक्त केली. तसेच किरकटवाडी येथील रहिवासी अभिजित पोळ यांनीही संताप व्यक्त केला आहे.

व्हाट्सप्प आइकान को दबा कर इस खबर को शेयर जरूर करें