दोन गावठी पिस्तूल-दोन जिवंत काडतुसांसह सराईत गुन्हेगाराला अटक; सिंहगड रोड पोलीसांची कारवाई
दोन गावठी पिस्तूल-दोन जिवंत काडतुसांसह सराईत गुन्हेगाराला अटक; सिंहगड रोड पोलीसांची कारवाई
पुणे: दोन गावठी पिस्तूल व दोन जिवंत काडतुसांसह एका सराईत गुन्हेगाराला पुणे शहर पोलीस दलाच्या सिंहगड रोड पोलिस स्टेशनच्या पथकाने सापळा रचून अटक केली आहे. बाळू धोंडीबा ढेबे (वय 27 रा. जनता वसाहत) असे अटक करण्यात आलेल्या सराईत गुन्हेगाराचे नाव आहे. नऱ्हे येथील स्वामी नारायण मंदिर परिसरात सेवा रस्त्यावर सदर कारवाई करण्यात आली आहे.
पोलीस अंमलदार आण्णा केकान ,राहुल ओलेकर व विनायक मोहिते हे सिंहगड रोड पोलिस स्टेशन हद्दीत गस्त घालत असताना नऱ्हे येथे स्वामीनारायण मंदिराजवळ एक संशयित थांबलेला असल्याची माहिती मिळाली. याबाबत त्यांनी तातडीने वरिष्ठ अधिकाऱ्यांना माहिती दिल्यानंतर खातरजमा करून वरिष्ठ अधिकाऱ्यांनी पुढील कारवाई करण्याचे आदेश दिले.
पोलीस अधिकारी व कर्मचारी आल्याची चाहूल लागताच आरोपीने पळून जाण्याचा प्रयत्न केला परंतु तो यशस्वी झाला नाही. सुरुवातीला त्याने उडवाउडवीची उत्तरे दिली त्यामुळे संशय आल्यानंतर त्याची झडती घेतली असता दोन गावठी पिस्तूल व दोन जिवंत काडतुसे आढळून आली. अधिक माहिती घेतली असता तो रेकॉर्डवरील गुन्हेगार असल्याचे समोर आले आहे. पुणे शहर पोलीस आयुक्त अमितेश कुमार, सहआयुक्त रंजनकुमार शर्मा, अप्पर पोलिस आयुक्त पश्चिम प्रादेशिक विभाग प्रवीणकुमार पाटील, परिमंडळ तीनचे पोलीस उपायुक्त संभाजी कदम, सहाय्यक पोलीस आयुक्त अजय परमार, सिंहगड रोड पोलिस स्टेशनचे वरिष्ठ पोलीस निरीक्षक दिलीप दाईंगडे, पोलीस निरीक्षक (गुन्हे) उत्तम भजनावळे यांच्या मार्गदर्शनाखाली सहायक पोलिस निरीक्षक सचिन निकम, पोलीस उपनिरीक्षक संतोष भांडवलकर, आबा उत्तेकर, पोलीस अंमलदार संजय शिंदे, उत्तम तारु, आबा केकाण, अमोल पाटील, विनायक मोहिते, शिवाजी क्षीरसागर, राहुल ओलेकर, देवा चव्हाण , सागर शेडगे, विकास पांडुळे, विकास बांदल, स्वप्निल मगर यांच्या पथकाने ही कारवाई केली आहे. पोलीस निरीक्षक दिलीप दाईंगडे यांच्या मार्गदर्शनाखाली पोलीस उपनिरीक्षक संतोष भांडवलकर याबाबत अधिक तपास करत आहेत.
व्हाट्सप्प आइकान को दबा कर इस खबर को शेयर जरूर करें
