Firing incident: खानापूर जवळील घेरा सिंहगड गावच्या हद्दीत सांबरेवाडी येथे अंदाधुंद गोळीबार; एकाचा जागीच मृत्यू एक गंभीर; हवेली पोलीस ठाण्याच्या हद्दीतील कायदा सुव्यवस्थेचे धिंडवडे

Nilesh Borude

खानापूर: खानापूर जवळील घेरा सिंहगड गावच्या हद्दीतील सांबरेवाडी येथे दोन गटांमध्ये अंदाधुंद गोळीबार झाल्याची घटना रात्री बारा वाजण्याच्या सुमारास घडली आहे. या गोळीबारात एका तरुणाचा जागीच मृत्यू झाला आहे तर एक तरुण गंभीर जखमी झाला आहे. दरम्यान या घटनेमुळे हवेली पोलीस ठाण्याच्या हद्दीतील कायदा सुव्यवस्थेचे धिंडवडे निघाले असून पुणे ग्रामीण पोलीसांची आब्रु वेशीला टांगली गेली आहे.

हवेली पोलीसांकडून अवैध धंदे आणि गुन्हेगार यांना मिळणारे अभय याचा गंभीर परिणाम पुन्हा एकदा दिसून आला असून सांबरेवाडी येथे गावठी पिस्तूलांतून अंदाधुंद गोळीबार झाला आहे. यात रोहित ढीले याचा जागीच मृत्यू झाला आहे दुसरा एक तरुण गंभीर जखमी झाला आहे. या घटनेमुळे खानापूर परिसरात दहशतीचे वातावरण निर्माण झाले आहे.

व्हाट्सप्प आइकान को दबा कर इस खबर को शेयर जरूर करें